Sehaskak (0-1)

• Ikasturtea hastean oraindik ere tutuarekin dabiltzan txikiei dagokienez, bakoitzaren erritmoa errespetatzeari emango diogu garrantzia (tutua hartzeko nahiz lotarako dituzten ordutegiak…).
• Poliki-poliki, purearekin hasi ahala, zuen txikitxoen ordutegiak erregulatzen joango dira eta talde dinamikaz gozatzen hasteko aukera izango dugu.

Momentu honetara iristean, hau da, ordutegiak erregulatu eta talde martxa hartzean, sehasketakoen (0-1) eta ertainen (1-2) ordutegi antolaketa berbera izango da.

Sehaskak (0-1) eta ertainak (1-2)

• 9:30 bitarte, sarrera ordua. Zuen txikiekin iritsi ahala, haurrari harrera egiteko momentua izango da, zuekin hitz egin…
• 9:30erako, haur bakoitza bere hezitzailearekin eta taldearekin egongo da.
• 11:00ak bitartean, garapenaren alderdi ezberdinak landuz eta talde giroan, gelan nahiz kalean, hainbat ekintzarekin gozatzeko aukera izango dugu.
• 11:00etan, gure sukaldariek prestatutako janari goxoak dastatzeko unea!
  Tripa goxaturik, siestarako prestaketetan eta jolasean arituko gara 12:30 ingurura arte.
• 12:30 aldera, lagunartean gozo-gozo lokartzeko momentua.
• 15:30 aldera, askaria (0-1 urtekoek 15:00ean). Berriz ere sukaldarien lana eskertzeko prest!
• 17:00ak bitarte, gelan nahiz kalean, jarduera librean aritu ohi gara.

Handiak (2-3)

• 9:30 bitarte, sarrera ordua. Zuen txikiekin iritsi ahala, haurrari harrera egiteko momentua izango da, zuekin hitz egin…
• 9:30erako, haur bakoitza bere hezitzailearekin eta taldearekin egongo da.
• 12:00ak bitartean, garapenaren alderdi ezberdinak landuz eta talde giroan, gelan nahiz kalean, hainbat ekintzarekin gozatzeko aukera izango dugu.
• 12:00etan, gure sukaldariek prestatutako janari goxoak dastatzeko unea.
  Tripa goxaturik, siestarako prestaketetan eta jolasean aritu ohi gara 13:00 inguru arte.
• 13:00ak aldera, lagunartean gozo-gozo lokartzeko momentua.
• 16:00ak aldera, askaria! Berriz ere sukaldarien lana eskertzeko prest!
• 17:00ak bitarte, gelan nahiz kalean, jarduera librean aritu ohi gara.